-- ADVERTISEMENT --
KALIBO, Aklan—Sangka barangay kagawad sa banwa it Lezo ro binawian it hueam nga kinabuhi bangud sa sakit nga Coronavirus Disease ukon Covid-19.
Imaw eon ro ika-13 nga nailistang namatay sa probinsya it Aklan halin kat nag-umpisa ro pandemya tuga it Covid-19.
Ro 63-anyos nga eaeaki hay may ginabatyag nga masakit antes pa man nga gindaea ko Disyembre 21 sa Aklan Provincial Hospital agud nga ipaidaeom sa pagbueong.
Apang ko Disyembre 22 hay ginreport it Aklan Provincial Surveillance Unit it Provincial Health Office nga binawian raya it hueam nga kinabuhi ag insigidang gindaea sa syudad it Iloilo ag gin-cremate.
Si ‘Case 387’ hay ro kauna-unahang elected official sa Aklan nga namatay bangud sa Covid-19.
-- ADVERTISEMENT --
