POLICE Report — Patay ro sangka 29-anyos nga hair cutter matapos nga barilon it anang naka-away sa Lyric Building sa Brgy. VIII, Vigan City, Ilocos Sur.
Suno sa mga otoridad, ro biktima hay residente it Brgy. San Julian Sur, Vigan City, Ilocos Sur.
Arestado man ro 30-anyos nga suspek nga residente it Brgy. Poblacion, Santol, La Union.
Pahayag it mga nakasaksi sa krimen nga samtang naga-inom ro suspek sa sueod it nasambit nga establisyemento hay nagpaeapit kana ro biktima ag makataliwan ro pilang minutos hay nakita eon lang nanda nga naga-diskusyon ro daywa.
Pagkatapos kara hay nagguwa sa nasambit nga establisyemento ro biktima ag ro anang mga kaibahan.
Apang ginsundan it suspek ag dikara hay makapilang beses nga ginbuno ro biktima gamit ro screwdriver.
Nagpaguwa man it baril ro suspek ag ginbaril kara ro biktima.
Sa pihak nga parte, sangka babaye nga nag-ampara kanda ro tinamaan man it nagtaeang nga bala.
Gindaea sa ospital ro babaye apang owa nagbuhay hay binawian man it hueam nga kinabuhi.
Padayun pa ro ginahimo nga imbestigasyon it mga otoridad sa natabu nga shooting incident.
