Baril nga nagpatay sa sikat nga kriminal nga si “Billy The Kid” igasubasta

Balitang Showbiz———-Nakataeanang ibaligya sa subasta  ro  baril nga nakapatay sa sikat nga kriminal sa US nga si Billy The Kid.

Ro  140 years old nga Colt single-action revolver nga may unang  7.5 inch barrel hay  ginpanag-iyahan it  kriminal ag mga otoridad.

Suno  kay Catherine Williamson  ro director it Bonhams auctions nga posibleng mabaligya raya   it  hasta 3 milyon dollars.

Ginpanag-iyahan dati ro  baril it grupo ni Bill the Kid ag raya hay nakumpiska ni sheriff Pat Garret.

Gamit ni Garret  ro baril  kat mapatay si Billy sa New Mexico.

Pagahiwaton ro  nasambitang auction sa  maabot nga  August 27.