Ginsunggab sigon it China Coast Guard (CCG) ro barko it Bureau of Fisheries and Aquatic Resources (BFAR) nga BRP Datu Magat Salamat ku Biyernes, Setyembre 18, sa may baybayon it Palawan samtang nagahatod it bulig nga krudo sa mga mangingisdang Pilipino sa West Philippine Sea.
Suno sa Philippine Coast Guard (PCG), nagtuga it kahalitan sa starboard side ukon tuo nga parte it barko it BFAR ro nagtuhaw nga pagbunggo.
Bangud sa insidente, nag-tiko, nahu-ae, ag nakakas sa puwesto ro mga railings, metal support, deck fixture, ag iba pang kagamitan it nasambit nga barko.
Natabo ro pagbunggo sang adlaw matapos madinaeag-an nga maalsa ag uman nga mapa-eutaw ro BRP Datu Magat Salamat halin sa pagkasadsad kara sa Hasa-Hasa Shoal.
Madumduman nga nagpatigayon kato ro BRP Datu Magat Salamat it probisyon it fuel subsidy mission it gobyerno sa idaeom it proyektong KBBM para sa mga lokal nga mangingisda kat matabo ro magkasunod nga insidente.
Padayon man nga ginabantayan it mga awtoridad ro kahimtangan it mga tawuhan ag it barko samtang nakikipag-angot sa mga nagakaigong ahensya para sa masunod nga mga tikang.
