Ginpasiguro it National Food Authority (NFA) nga may bastanteng buffer stock it bugas engkasong may tumamang kalamidad sa tunga it holiday season.
Ginhimo it NFA ro pagpasiguro kasunod it mga nailistang aktibidad sa bulkang Kanlaon nga nakaapekto sa mga residente maeapit sa bulkan ag ro namonitor nga forecast sa intertropical convergence ag mga pag-uean sa mabahoe nga parte it nasyon.
Suno kay NFA Administrator Larry Lacson, ginmanduan eon nanda ro andang mga empleyado nga una sa field para sa insigidang pag-activate it Operation Centers sa mga lugar nga apektado it baha, bagyo ag iba pang emergencies ag para buksan ro andang hotlines para madasig ro koordinasyon sa andang relief institutions.
Ginpabaskog man it ahensiya ro mga ginahimo nga estratehiya sa pagbakae it mga paeay sa idaeom it Price Range Scheme para masolusyunan ro kinahang-eanon nga bugas nga igapanupod it Department of Social Welfare and Development (DSWD) ag mga lokal nga gobyerno para sa mga apektadong pamilya sa mga lugar nga gindaeasa it kalamidad.
Ginpahayag dugang it NFA nga nakumpleto eon kara ro 95% target para sa buffer stocking it bugas makaron nga dag-on kon sa siin ro presenteng buffer stock kara hay kapin sa 5.661 million bags nga katumbas it milled rice.
