Ginpasiguro it National Vaccination Operations Center (NVOC) nga bastante ro suplay it bakuna kontra COVID-19 para sa pagturok it ikaywang booster shot sa mga immunocompromised nga indibidwal.
Suno kay NVOC chairperson Dr. Myrna Cabotaje, bastante man ro bakuna para sa pagtao it primary doses ag booster shots.
Apang, ginklaro ni Health Secretary Francisco Duque III nga ro mga immunocompromised eamang ro pwede sa second booster shot kapareho it may cancer, recipients it organ transplants, HIV/ AIDS patients ag pilang kaparehong baeatian nga nkasueod sa rekomendasyon it Health Technology Assessment Council.
Sa makaron, naga-abot pa eamang sa masobra 12 million nga indibidwal ro nakabaton it andang third dose ukon booster shot.
Samtang, ginpaathag it DOH nga padayun gihapon ro pagtao it primary doses ag 3rd dose sa mga mga COVID-19 vaccination sites sa nasyon.
