Ginsuhestyon it Bayan-Panay nga imbes pasanyugon ro programa it gobyerno sa idaeom it Pantawid Pamilyang Pilipino Program’s ukon 4Ps, makapamayad sigon nga maghimo it tikang ro mga opisyal kon paano makakriar it bastanteng trabaho nga may bastanteng sweldo para sa mga ginakabig nga kubos nga pamilyang Pilipino.
Suno kay Bryan Bosque, regional chairperson it Bayan-Panay nga kada dag-on nagataas ro pondo nga ginaalokar para dikara apang uwa gihapon it pagbag-o bangud nga maabo gihapon ro matumod nga una sa lebel it kapobrehan.
Ko una pa eamang sigon nga uwa it laye ro nasambit nga programa hay sambilog eon sanda nga kritiko kara bangud nga bukon man it bastante ro financial assistance nga ginata-o it gobyerno sa mga kwalipikadong miyembro kara.
Ro pagtaas it pondo kada dag-on hay makabig nga palpak ro nasambit nga programa bangud nga kon naging madinaeag-on raya hay posible nga manaba ro igaalokar nga pondo bangud nga nakaestablisar eon raya.
Nasayuran nga ginaduso makaron ni incoming Department of Social Welfare and Development (DSWD) Secretary Erwin Tulfo nga himuong sang bagsakan ro bueanan nga distribusyon it bulig-pinansyal sa mga 4P’s members.
