National News———-Naka-lockdown eun ro Batasang Pambansa umpisa kahapon nga adlaw bilang pagpahaom sa ulihing Sate of the Nation Address (SONA) ni Pangueong Rodrigo Duterte nga igapatigayon sa Hulyo 26, 2021.
Ginpahayag sa Bombo Radyo ni House Secretary General Mark Llandro Mendoza, nga may mga kinahangean sandang ayuson para sa seguridad ag masiguro nga magiging maayos ro tunog ag iwag ag owa eun it maging problema.
Suno pa kay Mendoza nga kapin sa 300 eamang ro ginapasugtan nga mag-atender sa SONA agu masiguro nga maipatuman ro minimum health protocols.
Ginabana-bana nga 100 kongresista ag 10 senador eang ro maga-abot it personal, samtang ro iba hay magatambong eamang pamaagi sa video conferencing.
Maging ro mga gin-imbitahang opisyal hay dapat bakunado, may negative test sa COVID ag owa it maeain nga nabatyagan para pagapasugtan nga makasueod sa lugar kung siin pagahiwaton ro SONA.
