KALIBO, Aklan—Umarangkada eon ro Phase II it Project BESST sa Boracay sa pagpanguna it mga kapulisan ag it LGU-Malay agod maging “Discipline Zone” ro isla.
Ro nasambitan nga operasyon hay gintawag nga “Battle of the Mainroad” kung siin striktong ginapatuman ro mga batas trapiko sa isla it Boracay.
Raya hay gina-eakipan it Municipal Traffic Code it Malay ag ro Municipal Ordinance no. 348 ukon Driver’s Accreditation Ordinance nga ginapatuman it PNP, MTRO, ag MAP.
Katuyuan sigon kara nga madisiplina ro mga motorista, masiguro ro road safety ag daeagan it trapiko.
Samtang, paga-imponeran it nagakago nga penalidad ro sin-o man nga madakpan nga naga-eabag kara.
Nasayuran nga antes pa man nag-umpisa ro “Battle of the Mainroad” pilang information drive eon ro ginpatigayon it mga kapulisan ag it LGU-MAlay.
