-- ADVERTISEMENT --
May ginaeauman nga bawas-presyo sa mga produktong petrolyo hin-aga nga adlaw it Martes suno sa pagtantiya it Department of Energy.
Suno sa DOE, posibleng ipatuman ro rollback hin-aga nga adlaw, Pebrero 28 ag base sa presyo sa nagtaliwan nga ap-at nga trading days, ginaeauman ro P1.86 kada litro it rollback sa presyo it diesel.
Kapin sa P1.02 kada litro man ro rollback sa presyo it gasolina samtang P1.90 kada litro ro bawas sa sa presyo it kerosene.
Sa pihak nga parte, ginaeauman man ro bawas sa contract price it LPG sa Marso nga kapin sa $90 dollars kada metric tons ukon katumbas it P5 hasta P6 pesos kada kilo nga bawas sa presyo kara.
