-- ADVERTISEMENT --
KALIBO, Aklan—Ginaduso makaron it Bagong Alyansang Makabayan ukon Bayan-Aklan nga ibalik ro face-to-face classes sa mga pampublikong eskwelahan sa bilog nga nasyon.
Raya hay matapos nga magpadaea it sueat ro grupo sa Department of Education (DepEd)-Aklan ko adlaw it Biyernes, Nobyembre 20.
Suno kay Mr. Kim Sin Tugna it Bayan-Aklan, mabahoe nga sab-eag sa pagtuon it mga estudyante ro ginapatuman nga distance learning.
-- ADVERTISEMENT --
Nagapati imaw nga indi mataw-an it dekalidad nga edukasyon ro mga pamatan-on bangud kara.
Rason nga ginaduso kara ro pagbalik it face-to-face classes agud nga mas matutukan ro pagtuon it mga unga ag makaangkon sanda it nagakaigo nga kasayuran parte sa andang mga leksyon.
