KALIBO, Aklan—Uman nga ginbatikos it grupong Bagong Alyansang Makabayan ukon Bayan-Aklan ro naging tikang it Department of Social Welfare and Development (DSWD) sa pagpanudpod it Assistance to Individuals in Crisis Situation (AICS) sa mga pomoeuyo maghalin sa banwa it Makato.
Suno kay Kim Sin Tugna, OIC provincial coordinator it Bayan-Aklan nga dapat hay klaruhon it DSWD sa publiko kung ham-an nga nagpasugot rayang eaktan it pamulitika ro ginapanudpod nga ayuda.
Nagaguwa sigon nga ro nasambitan nga bulig-pinasiyal it DSWD hay maghalin sa opisina ni Senator Christoper “Bong” Go.
Angot kara, ginpahayag pa ni Tugna nga nagakadapat eamang nga kung may programa ro anuman nga taeatapan it gobyerno hay kinahangean nga sanda ro magpangalima ag bukon it ipaagi pa sa mga pulitiko.
