KALIBO, Aklan—Ginkondena it Bagong Alyansang Makabayan ukon Bayan-Aklan ro mga ginapagguwa nga anunsyo it National Inter-Agency Task Force partikular ro pagpasugot sa mga pamatan-on nga naga-edad limang dag-on panaba nga makagguwa sa andang panimaeay ag makaadto sa mga lugar-pamasyaran.
Suno kay Kim Sin Tugna it Bayan-Aklan nga basta eon lang nagapagguwa it anunsyo ro IATF kun siin matsa nagaguwa nga owa raya nagakonsulta sa sitwayson it kada rehiyon.
Ro natungdan nga anunsyo sigon hay masami nga naga-resulta it kalituhan sa maabo nga pumueoyo.
Gintaw-an man it punto ni Tugna nga kinahang-ean eon nga bayluhan ro mga opisyal nga nagadumaea sa IATF agud nga makaangkon it nagakaigo nga impormasyon angot sa mga polisiya eabi eon ag padayun nga nakikipagsukoe sa COVID-19 ro bilog nga nasyon.
