KALIBO, Aklan—Hugut nga ginkondena it Bagong Alyansang Makabayan ukon Bayan-Aklan ro panibag-ong paandam ni pangueong duterte sa mga indi magpabakuna.
Suno kay Kim Sin Tugna it Bayan-Aklan nga indi pwedeng gamiton it gobyerno ro police power agud nga ma-obliga ro tanan nga magpabakuna kontra covid 19 bangud ro kada isaea hay may ginatawag nga democratic rights.
Nauna kara, ginhambae ni Duterte nga pagagamiton it gobyerno ro andang otoridad agud nga mapilit ro tanan nga magpabakuna eabi eon sa mga nagapamalibad bangud sa andang kaugalingon nga pagpati ukon relihiyon.
Gindugang pa ni Tugna nga matsa nagdeklara imaw it martial law engkaso nga iduso kara ro sapilitan nga pagbakuna.
Mag-eowas kara ro palasyo mismo ro nag aku nga nagakinahangean it laye halin sa Kongreso agud nga maipatuman ro mandatory nga bakuna.
Sa pihak kara, gin-engganyo it Bayan-Aklan ro gobyerno nga padasigon ro pagbakae it mas maabu nga mga bakuna agud nga eubusan eon nga mabuksan ro ekonomiya it nasyon.
