Kalibo Aklan —– Eubos nga ginkondena it Bagong Alyansang Makabayan (Bayan-Aklan) ro direktiba it National Government angot sa pagpili it magiging benepisyaryo ukon makabaton it cash assistance sa idaeom it Social Amelioration Program.
Suno kay Kim Sin Tugna, OIC-Provincial Coordinator it Bayan-Aklan, “very selective” ro tikang it gobyerno bangud ro ginabasehan sa pagpili it benipisyaryo hay ro sensus pa ko nagtaliwan nga dag-on 2015.
Dugang pa kara nga masyadong limitado ro gintao nga slot it gobyerno bangud milyon-milyon nga tawo sa bilog nga Pilipinas ro naapektuhan sa tagsa ka mga ginapatuman nga Enhanced Community Quarantine.
Kinahangean sigon nga desisyunan raya it mayad it gobyerno bangud maabo ro naapektuhan sa pagpanaeasa it nasambitan nga virus.
Ginapanan-aw man ni Tugna nga ro limitadong slot nga gintao it gobyerno hay posibleng magtuga it pagsinangag ukon kinagamo sa tunga it mga Barangay Officials ag pumueyo.
