KALIBO, Aklan—Ginkundina it bagong alyansang makabayan ukon bayan aklan ro Department of the Interior and Local Government ukon DILG ag administrasyong Duterte sa ginaduso kara nga piliton ro mga pumueoyo nga magpabakuna kontra covid 19.
Ginhalimbawa ni Kim Sin Tugna, Provincial Coordinator it Bayan-Aklan ro bukon it makatarungan nga proposal nga bawion ro subsidy it mga beneficiaries it Pantawid Pamilyang Pilipino Program ukon 4Ps nga indi magapabakuna.
Suno kana nga dapat nga tutukan eon lang it gobyerno ro andang vaccine information drive sa baylo nga pwersahon ro mga miyembro it 4ps sa nasambit nga kundisyon.
Ro epektibong pag-edukar sigon sa mga pumueuyu ro pinaka-yabe agud nga makumbinsi sanda nga magpabakuna.
Nagapanindugan sigon ro Bayan-Aklan nga ro ‘no bakuna, no ayuda’ ag iba pang pagpamaeag sa publiko hay makabig nga kontra sa mga pigado ag pag-eabag sa andang kinamatarung.
