KALIBO, Aklan—Gintawag it grupong Bagong Alyansang Makabayan ukon Bayan-Aklan nga “purilon” ag manugpataeang sa mga pomoeuyo ro administrasyon ni Pangueong Rodrigo Duterte.
Suno kay Kim Sin Tugna, OIC Provincial Coordinator it Bagong Alyansang Makabayan ukon Bayan-Aklan nga sambilog sanda sa mga nagapanawagan sa gobyerno nga maitao ro nagakaigo nga “ hazard pay” makarun nga sanda ro nagabaka-baka agud nga masok-ean ro ginapangatubang nga pandemya tuga it coronavirus disease ukon covid-19.
Dugang pa kara nga dapat man hay maitao ro kompleto nga Personal protective equipment ukon PPE’s sa mga medical frontliners agud nga indi eun madugangan pa ro numero it mga nagakamatay nga nurses ag doktor nga nagatratar sa mga covid-29 patients.
Makabig pa sigon nga kriminal nga saeabton it gobyerno ro pagkamatay it mga raya.
Madumduman nga nauna eun nga ginkuwestiyon it Commission on Audit (COA) ro nakit-an nga “deficiencies” sa P67.3 bilyong pondo nga nakataeana para sa COVID-19 response it Department of Health ukon DOH.
Raya hay matapos nga mapaseawan nga maisumite it DOH ro mga dokumento nga ginapangayo it COA.
Sa pihak kara, medyo naakig pa si Duterte sa ginhimo it COA ag gindepensahan pa ro DOH.
