KALIBO, AKlan–Kapareho it ginapanindugan it maabo nga lider, grupo ag pumueoyong Aklanon, hugut man nga nagapamaeabag ro grupo it Bagong Alyansang Makabayan ukon Bayan-Aklan sa pagduso it kontrobersyal nga Boracay Isand Development Authority ukon BIDA bill sa idaeom it pagdumaea it Government-Owned and Controlled Corporation ukon GOCC.
Suno kay Kim Sin Tugna it Bayan-Aklan nga umpisa sa tyempo it Boracay closure hay nakita eon nanda ro interes it administrasyon ni Pangueong Rodrigo Dutere nga i-take over ro pagdumaea sa isla.
Mag-eowas sigon sa pagkontrol sa Boracay hay nagapati man ro andang grupo nga may plano ro national government nga makipag-sosyo sa mga daeagkuan nga mga kapitalista.
Ginpunto man ni Tugna nga ro Boracay hay makabig nga sambilog sa may pinakamabahoe nga kontribusyon sa ekonomiya ag mga proyekto sa bilog nga probinsya it Aklan.
Kun siin, kaeakip eon kara ro pagpondo sa mga ginpatindog nga district hospital sa pilang ka mga banwa sa probinsya.
