KALIBO, Aklan—Hugut nga ginapamaeabagan it grupo it Bagong alyansang Makabayan ukon Bayan-Aklan ro ginaduso it kongreso nga Boracay Isand Development Authority ukon BIDA bill sa idaeom it Government-Owned and Controlled Corporation ukon GOCC.
Suno kay Kim Sin Tugna it Bayan-Aklan nga umpisa sa tyempo it Boracay closure hay nakita eon nanda ro interes it administrasyon ni Pangueong Rodrigo Dutere nga i-take over ro pagdumaea sa isla.
Mag-eowas sigon sa pagkontrol sa Boracay hay nagapati man ro andang grupo nga may plano ro national government nga makipag-sosyo sa mga daeagkuan nga mga kapitalista.
Ginpunto man ni Tugna nga ro Boracay hay makabig nga sambilog sa may pinakamabahoe nga kontribusyon sa ekonomiya it bilog nga probinsya it Aklan.
Sa pihak nga parte, nagpabutyag man it owa pagpabor sa pagtukod it BIDA si Kalibo Sangguniang Bayan member Augusto Tolentino.
Suno kana, klaro nga madueaan eon it otoridad ro LGU-Malay sa pagdumaea sa Boracay sa oras nga maaprubahan raya.
Engkaso nga madayun, pagadumaeahan eon it board of director’s ro bilog nga isla it Boracay.
