KALIBO, Aklan—Kadungan sa pagdumdum sa farmers week, magapatigayon it hub-eag protesta ro Bagong Alyansang Makabayan ukon Bayan-Aklan bandang alas-2:00 it hapon sa Kalibo Pastrana Park.
Suno kay Kim Sin Tugna, provincial coordinator it Bayan-Aklan nga igapanawagan nanda ag ko iba pang magapasakop nga grupo it mga mangunguma nga suportahan ag pabaskugon it gobyerno ro proteksyon sa mga lokal nga mangunguma kamana man nga ibasura ro Rice Tarrification Law nga imaw ro nagapanaba sigon sa presyo it paeay nga mas pang nagapa-antus sa mga mangunguma.
Dugang pa nana nga mas pang nagtaas makaron ro import dependency sa nasyon partikular ro bugas maskin pa nga may pagtaas sa lokal nga production output.
Ro pirme sigon nga pag-import ro rason it pagka-eugmok sa utang it Pilipinas.
Imbes suno kana nga eubusan nga suportahan ag pabaskugon ro local food production pinaagi sa pagtau it mga subsidiya mas ginapilli it gobyerno ngha mag import it mga agrikultural nga produkto.
Samtang, igapaninggitan man sa hubeag protesta nga seryosohon ro pag-eagas it gobyerno sa mga hoarders.
Apang matsa imposibli sigon raya nga matabu sa presenteng administrasyon bangud sa kalakaran nga mismong taga gobyerno ro nagaprotekta sa mga raya.
Sa pihak nga parte, plano man it panguma aklan nga makipagdayalogo sa masunod nga domingo sa taeatapan it gobernador agud nga magdemand it ayuda ag programa nga direktang mapuslan it mga mangunguma ag mangingisda sa Aklan.