KALIBO, Aklan—“Long overdue” eon ro gina-insister nga 750 pesos nga minimum wage sa national capital region ag 128 pesos nga adlawan nga increase sa iba pang rehiyon sa nasyon.
Suno kay Kim Sim Tugna, Provincial Coordinator it Bagong Alyansang Makabayan ukon Bayan-Aklan nga dapat eon nga aksyunan it gobyerno ro naka-pending nga wage increase petitions sa atubang it nagatinaas nga presyo it produktong petrolyo.
Suno kana, tyempo eon para taw-an it importansya ro sakripisyo it mga ordinaryong empleyado.
Nagakadapat sigon ngaitao sa mga raya ro tama nga pasweldo nga makabulig sa tagsa-tagsa nanda nga mga pamilya.
Gin-insister pa ni Tugna nga i-prayoridad it gobyerno ro pagtao it nagakaigo nga igtueopangod sa kada pamilyang Pilipino nga sambilog sa pinaka-unang naga-saeap it sigidas nga pagtaas it petrolyo ag nagapangunang baeak-eon.
