KALIBO, Aklan—Ginklaro it 3rd infantry division it Philippine Army nga ro temporaryong pagtinir it mga katapo it soldado sa banwa it Kalibo hay kaparte sa andang kurso nga civil military operation competency enhancement training kon siin ginakaeakipan raya it socio economic concern sa sosyodad.
Raya hay kasunod sa pagpablotter ni Mr. Kim Sin Tugna sa Kalibo municipal police station kon siin ginasugid nga nagapangusisa ro mga kasoldadohan angot kana.
Suno kay spokesperson Capt. Kim Apitong, fake news ro ginapakalhit nanday Tugna ag George Calaor bangud nga eain ro tuyo it mga kasoldadohan sa probinsya it Aklan.
Magatinir ro mga kasoldadohan sa banwa it Kalibo agud nga sayuron ro presenteng sitwasyon it mga pamatan-on bilang kaparte it andang enhancement training ag kurso nga ginabueo.
Pinaagi kara hay maieapit sa gobyerno ro mga concerns it mga pamatan-on ag iba pa.
Mataeopangdan nga haeos mga pamatan-on ro nagapatigayon it hub-eag protest kon siin kaeakip ro mga raya sa mga aktibistang grupo.
