KALIBO, Aklan—Uman nga nagpahayag it suporta ro Bagong Alyansang Makabayan ukon Bayan-Aklan sa pagbasura sa Dec. 31, 2023 nga deadline para sa franchise consolidation it public utility jeepneys.
Suno kay Kim Sin Tugna, provincial coordinator it Bayan-Aklan nga ro franchise consolidation hay eubusan nga maka-apekto ukon pag-masaker sa pangabuhian it mga jeepney drivers.
Klaru suno kana nga makaangkon raya it monopolyo kun sa siin ro mga mabahoe nga korporasyon ag kooperatiba ro magapangibabaw.
Dugang pa nana nga maduea-an kara it gahum ro mga jeepney drivers sa pagdesisyon ag mapilitan sanda nga isurender ro andang mga kaugalingon nga franchise ag mga modernized jeepney.
Matsa ginapa-umwad sigon it nasyon ro mga dumueuong bangud nga sa guwa it nasyon magabakae it mga unit.
Ginkontra man nana ro gina-offer nga subsidiya it gobyerno nga kapin sa 160,000 pesos nga masyadong manaba sigon kumpara sa 2.4 hasta 2.8 milyon pesos nga balor it kada unit it saeakyan.
Sa idaeum it PUV modernization program, ro mga jeepneys ag operators hay gintaw-an it hasta sa Disyembre 31 agud nga magtukod it kooperatiba agud nga makaangkon it access sa pondo, eabi eon ro pag apply it loan ag iba pa.
Ginklaru man nana nga owa sanda naga kontra sa programa apang indi pagpiguson ro transport sector.
