KALIBO, Aklan—Nagpatigayun ro Bagong Alyansang Makabayan ukon Bayan-Aklan it transport and consumers consultation angot sa pagtaas it presyo it produktong petrolyo.
Suno kay Kim Sin Tugna, OIC Coordinator it Bayan-Aklan nga gin-imbitahan nanda ro nagkaeain-eain nga sektor nga apektado it waea-tuo nga pagtaas sa presyo it petrolyo ag nagapangunang baeak-eon.
Gintalakay man sigon nanda ro mga rason kung ham-an indi raya sarang mapunggan it gobyerno.
Sambilog sa nakikita nga rason it grupo sa sigidas nga pagsirit it presyo it langis hay ro TRAIN Law.
Dapat eon sigon nga maghueag eon ro gobyerno agud nga mabuligan man ro mga kubos nga pumueoyo.
Mahaba eon sigon nga tyempo ro pagtiis rason nga nagakadapat eamang nga pamatian eon ro hinyu it mga ordinaryong tawo.
