KALIBO, Aklan – – – Nagpatigayun it petition signing ro Bagong Alyansang Makabayan (Bayan)-Aklan para sa mga trabahador nga naapektuhan it Boracay shutdown kadunghan it Labor Day celebration.
Suno kay Kim Sin Tugna, tagapaghambae it Bayan-Aklan, nakabaehag sa petisyon nga kinahangean anay nga maghimo it aksiyon ro gobyerno agud mataw-an it relief assistance ag livelihood program ro mga naduea-an it trabaho.
Gin pahayag pa kara nga bukon it bastante ro gina tao nga transportation ag meal allowance it Department of Social Welfare and Development (DSWD) sa mga trabahador nga gustong mag uli sa andang tagsa ka mga probinsiya.
Gin pakamayad sigon nanda nga sa banwa it Kalibo himuon ro petition signing imbes nga sa isla it Boracay bangud mag eowas sa mga nakabantay nga armadong pwersa it gobyerno hay gina usoyan pa sanda it naga kaigong identification card.
Pagpugong sigon sa demokratikong kinamatarung it mga pumueoyo ro gina patuman nga patakaran sa Boracay.
Gin paidaeum ro Boracay sa an-um nga bueang pagpasara agud taw-an it daean ro paglimpiyo ag rehabilistasyon.
