KALIBO, Aklan—Ginkalipay it grupo it Bagong Alyansang Makabayan ukon Bayan-Aklan ro ginpagguwa nga mga patakaran it Supreme Court sa paggamit it body camera it Philippine National Police (PNP).
Suno kay Kim Sin Tugna it Bayan-Aklan nga halin pa ko dag-on 2017 hay maabo eon mga inosenteng sibilyan ro nabiktima it ginkasa nga war on drugs it administrasyon ni Pangueong Rodrigo Duterte.
Naka-record sigon ro Commission on Human Rights it masobra 30,000 ka mga drug users ag pusher nga nabiktima it nasambit nga mandato.
Dag-on 2018 kat gin-kwestiyon it Makabayan Bloc ro delay sa pag-purchase it kapin sa 12,000 ka mga body cameras maskin nga una eon ro pondo nga nagabalor it masobra 334,000,000.
Raya hay bangud sa nagapadayun nga police operation partikular sa war on drugs.
Gin-insister pa ni Tugna nga masami nga gina-rason it mga pulis nga nagsukoe ro mga biktima rason nga raya hay napatay sa operasyon.
Naging madugo ro war on drugs rason nga maabo nga grupo ro nagkondena sa nasambit nga tikang it gobyerno.
Mag-eowas kara, maabo sigon sa mga biktima hay owa pa napamatud-an nga eakot sa pagduso ukon paggamit it illegal nga droga.
