KALIBO, Aklan—Padayun nga ginakondena it Bagong Alyansang Makabayan ukon Bayan-Aklan ro implementasyon it excise tax it gobyerno sa tunga it padayun nga pagsipa it presyo it produktong petrolyo.
Suno kay Kim Sin Tugna, OIC Coordinator it Bayan-Aklan nga nagapabilin nga bulag ag bungoe ro gobyerno sa pagsabat sa mga ginakinahang-ean nga soluson it mga pumueoyo.
Dapat sigon nga taw-an it prayoridad it gobyerno ro mga nagapangunang isyu sa nasyon kapareho it waea-tuo nga pagtaas it petrolyo ag ro mabahoe nga epekto kara sa nagapangunang baeak-on nga mas pang nagatao it kalbaryo sa mga pigadong pamilyang Pilipino.
Raya hay mag-eowas pa sa ginapangatubang nga pandemya it nasyon nga sambilog man sa nagpaeugmok sa ekonomiya ag pangabuhian it kaabuan.
Gin-insister pa kara nga padayun sanda sa paghueag para ipanawagan sa natungdan nga ahensya it gobyerno ro pagsuspendi sa Tax Reform for Acceleration and Inclusion (TRAIN) Law ag pagbasura sa oil deregulation law.
