Bayan-Aklan, suportado ro panawagan it mga health worker nga irelease eon ro andang SRA

KALIBO, Aklan—Uman nga gin-insister it Bagong Alyansang Makabayan ukon Bayan Aklan nga suportado it mga raya ro panawagan it mga health workers nga irelease eon ro andang Special Risk Allowance ukon SRA.

Suno kay Mr. Kim Sin Tugna, provincial coordinator it Bayan Aklan, sambilog sanda sa mga nagapanawagan sa gobyerno nga ita-o eon it mga raya ro ginpangabudlayan it mga health workers.

Gin-insister nga sambilog ro mga health workers sa mga naga baka-baka sa pagsukoe sa pandemya kon sa siin sanda ro may mabahoe nga responsibilidad nga ginaobligahan halin kat nag-eopok ro pandemya rason nga nagakabagay man nga taw-an ro mga raya it prayoridad ag ita-o ro nagakaigong kompensasyon para kanda.