Kalibo Aklan ———–Uman nga ginbatikos it Bagong Alyansang Makabayan ukon Bayan-Aklan ro naging pahayag ni Pangueong Rodrigo Duterte angot sa sigon hay bukon eun it kinahangean pa it mga pomoeuyo ro booster shots para sa mga fully vaccinated eun kontra covid-19.
Suno kay Kim Sin Tugna, OIC provincial coordinator it Bayan-Aklan nga palpak ro naging tikang it gobyerno agud nga sokean ro pandemya.
Indi eun man sigon mapatihan ro gobyerno bangud sa paiba-iba nga statement ag dapat eamang nga islan eun it mga health personnel ro ibang mga nagapungko sa gobyerno nga naka-assign para covid response.
Gin-insister pa kara nga dapat hay magpangatubang it kasong criminal ro Pangueo bangud sa anang pagpabaya sa mga pomoeuyo nga naging rason man sa padayun nga pagbagsak it ekonomiya matapos ro magpatuman nga nagkaeain eain nga mga pagsinueondan.
