Dismayado ro grupong Bayan-Panay sa resulta it kauna-unahang State of the Nation Address ukon SONA ni Pangueong Ferdinand Marcos Jr.
Raya hay matapos nga uwa it spesipikong ginpahayag ro presidente.
Suno kay Bryan Bosque, regional chairperson it nasambit nga grupo nga uwa eon ngane it ginpresentar nga manami nga plataporma ko kampanya sa eleksyon hay uwa pa it comprehensive ag inclusive nga programang ginsambit ro presidente angot sa economic recoveries.
Nagae-um kunta sanda nga mataw-an it hustisya it Pangueo ro andang panawagan angot sa poverty reduction ag para sa mga workers angot sa pagpataas it nagakaigong sweldo kamana man sa sigidas nga pagtinaas it presyo it mga baeak-eon.
Ginpahayag dugang ni Bosque nga nakueangan sanda sa diskurso it Presidente kon siin maskin sa tawhanong kinamatarong hay uwa raya it ginsambit.
