SHOWBIZ News — Excited eon si incoming President Ferdinand “Bongbong” Marcos Jr. sa pelikulang Maid in Malacanang nga una eon nga ginplastar kana it direktor nga si Darryl Yap kat nagapangampanya pa eamang raya sa pagkapangueo.
Ro nasambit nga pelikula hay nakatutok sa ulihing 72 oras it pamilya Marcos sa Malacanang pinaagi sa point of view ukon panan-awan it mga kasambahay ukon kabulig.
Ginpahayag ni Yap nga indi eon makahueat ro pamilya Marcos sa premiere night kaibahan sanday Senator Imee Marcos, unga ni PBBM nga si Sandro Marcos maskin ro mga cast ag crew sa nasambit nga pelikula.
Kaibahan sa nasambit nga pelikula sanday Cesar Montano bilang former president, Fedinand Marcos Sr.; Ruffa Guttierez nga magabuyot bilang former first Lady Imelda Marcos; Cristine Reyes nga maga-ganap bilang si Sen. Imee; Ella Cruz bilang si Irene Marcos; ag Diego Loyzaga bilang si BBM samtang ro mga magabuyot nga mga kasambahay hay sanday Elizabeth Oropesa, Karla Estrada ag Beverly Salviejo.
