Owa nagpa-apekto ro aktres nga si Bea Alonzo sa naging patutsada kana it batikang showbiz columnist ag talent manager nga si Lolit Solis.
Madumduman nga ko adlaw it Martes hay uman nga tumirada it mga mabug-at nga pahayag si Manay Lolit sa anang Instagram account kontra sa aktres.
Nasayuran nga ginakumpara ni Manay Lolit si Bea kung siin medyo naduduea eon sigon raya sa showbiz.
Maskin ro lovelife ag desisyon ni Bea sa anang kabuhi hay owa man ginpaeampas it talent manager.
Suno kana nga dapat sa edad ni Bea hay may una eon raya nga asawa ag unga.
Sa pihak kara, nagapabilin nga dedma si Bea sa isyu kung siin masako imaw sa waea-tuo nga endorsements, paghimo it content sa anang YouTube channel ag sa estado it anang tagipusuon kaibahan ro boyfriend nga si Dominic Roque.
