NATIONAL News — Ginpamalibaran it Office of the Vice President (OVP) ro report nga mas ginpili ni Vice President Sara Duterte nga mag-agto sa beach sa baylo nga magtambong sa House plenary debates para sa 2025 budget it anang taeatapan.
Sa sangka pahayag, ginpabutyag it OVP nga tuyo eamang it report nga samaran si VP Sara.
Ginpaathag it OVP, nagapundo-pundo si VP Sara sa pilang parte it Camarines Norte Albay para istoryahon ro mga tawo angot sa kahimtangan it nasyon.
Raya eon ro ikaywang kahigayunan nga owa nagtambong si VP Sara sa plenary debates para idetermina ro budget it OVP.
Orihinal nga nagtaeana ro OVP it P2.037-billion budget sa idaeum it National Expenditures Program (NEP), apang nagdesisyon ro mga kongresista nga bawasan raya matapos nga magpamalibad si VP Sara nga direktang sabton ro mga pangutana sa August 27 hearing.
Bukon it raya ro unang kahigayunan nga nag-viral si VP Sara bangud sa gina-alegar nga pagbakasyon.
Madumduman nga ko buean it Hulyo it makaron nga dag-on hay nagbiyahe man ro bise presidente kaibahan ro anang pamilya para sa ‘unannounced trip’ sa Germany sa katung-anan it pagpanaeasa it Bagyong Carina ag southwest monsoon nga nagtuga it maeapnagon nga pagbaha sa pilang parte it nasyon.
