SHOWBIZ News —- Nagpanawagan it bulig ro Filipino-British beauty queen nga si Maggie Wilson.
Raya hay matapos nga sudlon it mga tawuhan it dating asawa ni Maggie nga si Victor Consunji ro baeay it aktres nga owa it anuman nga notice, warrant ag maayos nga paperworks.
Sa instagram post it beauty queen, ginpahayag kara nga nagpakita it notice ro mga kaeaeakin-an agud nga i-padlock ro anang baeay.
Ginpakita sigon it mga igbata ni Maggie ro kontrata, kun sa siin may nakabutang nga may kinamatarung nga mag-istar ro aktres sa nasambit nga baeay apang ginhibaygan eamang raya.
Owa si Maggie kat matabu ro insidente bangud nga presente raya nga nagapatigayon it business trip.
Owa pa it pahayag ro VCDC ag DMCI, mga kompanyang parehong ginpanag-iyahan it dating mister nga si Victor angot sa nasambit nga reklamo ni Maggie.
September 2021, gin-anunsiyo nanday Maggie ag Victor ro andang desisyon nga magabueag eon matapos ro haeos 11 anyos nga pag-iba.
