KALIBO, Aklan — Gin hingaeanan eon it festival organizer it Ati-Atihan Festival 2018 ro mga judges sa Mutya it Kalibo Ati-Atihan pageant ag coronation night sa Enero 12 sa ABL Sports and Cultural Center.
Kaeakip dikara ro mga beauty queens nga sanday 2017 Miss Global Philippines Mary Ann Garcia Mungcal, 2017 Miss Eco Philippines it Miss World Philippines nga si Cynthia Tomalla ag 2017 Miss Asia Pacific International 4th runner-up Ilene Astrid de Vera.
Kaibahan man sa listahan si Janela Joy Cuaton, Mutya ng Pilipinas Tourism International 2015 ag 1st runner-up Miss Tourism Metropolitan International 2016 nga ginpatigayun sa Camboadia kamana man si Sarah Christine Bona Reyes, ro pinakaunang Miss Nature Intercontinental 2017 sa Poland.
Kaeakip man sa coronation night ro mga sikat nga fashion models ag mga stylists.
16 nga mga candidates ro maga paindis-indis sa Mutya it Ati-Atihan title kun siin may special performances ro recording artist nga si Tim Pavino ag Hashtag member Jon Lucas.
Magiging host it pageant si 2017 Miss World Philippines 4th princess Emma Mary Tiglao, Rey Jason Gregorio ag Allen Guillen.
