Nagpangingibaw ro kagwapa ni Belle Mariano kat rumampa raya Seoul International Drama Awards 2022.
Ginbaton it daeaga ro Outstanding Asian Stars award sa ginpatigayon nga 17th Seoul International Drama Awards 2022.
Si Francis Libiran ro may himo sa suksok nana nga half-Filipiniana gown.
Matapos ro sang buean nga botohan it global fans sa Idol Champ application, ginkilaea ro actress bilang Philippine winner kaibahan ro ap-at pang Asian artists.
175 nga mga aktor ag aktres halin sa Japan, China, Thailand, Taiwan, ag Pilipinas ro nominado para sa nasambit nga pasidungog.
Gin-organisa it Seoul Drama Awards Organizing Committee ag Korean Broadcasters Association ro Seoul International Drama Awards, kaeakip ro Ministry of Culture, Sports and Tourism, Seoul Metropolitan Government, ag nagkaeain-eain nga Korean broadcast stations.
Medyo naging mahaba ro speech ni Belle nga ginpaguwa nga may translation it Korean.
