Nasayuran baea ninyo nga maabu nga benepisyo ro paggamit it muskitero.
Pila sa mga raya hay agud nga mabaeabagan ro pagdapo kimo it mga insekto ag sapat kapareho it namok, eangaw, kuratsa , eanggam, bangag ag iba pa.
Ginagamit man raya agud nga indi masugod it namok nga nagadaea it maabu nga sakit kapareho it dengue, malaria, Japanese encephalitis ag iba pa.
Makamaeatay ro mga nasambit nga sakit.
Sa mga nagagamit it electric fan ukon air condition, may bulig man ro muskitero agud nga indi direktang magatama ro hangin sa itsura.
Pwedeng magtuga it sore throat ag pagmaea it tutunlan kon nakatungab sa hangin.
Kon amat may mga aksidente pa nga mahueog ro iwag ukon higku halin sa kisame.
Sa mga lugar nga may malaria, may mga muskitero nga may kaibahan eon nga insecticide.
Ginagamit raya sa Africa ag sa lugar nga may malaria.
