Ginpasiguro ni House Speaker Faustino “Bojie” Dy III nga bukon eamang it ro imprastraktura ro ginahathat makaron it Mabahoe nga Kapueungan it Kongreso kundi ro naangot sa agrikultura nga magiging sandigan it mga Pilipino anumang krisis ro umabot sa nasyon.
Ginpunto raya makaron ni Dy sa tunga it tensyon sa Middle East nga nagatuga it krisis sa nasyon kapin eon sa produktong petrolyo.
Dugang pa it speaker nga eubus sa tanan hay ro mga mangunguma ro mahipos nga mga baganihan nga nagasiguradong bastante ro pagkaon it mga Pilipino.
Bangud kara, ginpasiguro ni Dy nga uwa it mangunguma ro maaywanan sa ginaduso nga pambansang agenda.
Nauna eon nga ginbisitahan ag gintambungan ni Dy ro inagurasyon it postharvest facilities sa Isabela kaibahan si Pangueong Ferdinand “Bongbong” Marcos Jr.nga suno sa speaker hay sangka malig-on nga tikang paadto sa pagiging produktibo ag kita it mga mangungumang Pilipino.
