Mahilig baea kamo nga magkaon it mushroom ukon amamakoe nga sahog sa mga suea ukon sambilog sa mga sahog sa palaman sa burger?
Nasayuran baea ninyo nga ro amamakoe hay ginakilaea bilang importanteg kaparte it diet?
Raya hay bugana sa bitamina, mineral, ag antioxidant nga nagapabaskog sa ikamayad nga eawas.
Sambilog man raya nga manami nga source it vitamin D nga importante para sa atong toe-an ag immune system.
Bugana man raya sa potassium ag nagapanaba it blood pressure.
Suno pa sa pagtuon, ro pagkaon man it amamakoe hay nagapanaba it posibilidad nga makaangko it grabeng kondisyon sa ikamayad nga eawas, kapareho it alzheimer, sakit sa puso, kanser, ag diabetes.
Apang ginapadumdim eamang nga bukon it tanan nga amamakoe hay pwedeng kaunon .
