Ro medicinal plant nga pansit-pansitan hay maabu nga benepisyo sa ikamayad nga eawas.
Kaeabanan nga makita ro nasambit nga tanum kaibahan ro ibang klase it halimunon rason nga ginabalewala ag nasasae-an nga simpleng halimunon eamang it kaabuan.
Apang pwede man raya nga pabahueon bilang ornamental.
Ro pansit-pansitan hay may makintab nga korteng tagipusuon nga mga dahon nga may sukat nga masobra sa ap-at nga sentimetro ro haba, nga nagabahoe halin sa sangka tadlong nga translucent nga berdeng sanga.
May una raya nga mga maintok nga matsa tuldok nga bueak nga nagatubo halin sa tadlong ag maniwang nga berdeng mga spike.
Apang nasayuran baea ninyo nga sambilog raya sa mga herbal plant nga ginarekomenda it department of health.
Raya hay epektibong bueong sa gout ag arthritis kamana man bilang bueong sa paghaeok it mata, altapresyon ag mga problema sa bato.
Kaeabanan man raya nga ginasahog sa sangka salad.
