Naglista it record sa kasaysayan it Grammy Awards si Beyonce.
Raya hay bangud sa imaw eon ro may buyot it most- nominated artist of all time.
Bangud kara hay naeampasan eon nana ro asawang si Jay-Z.
Ro mag-asawa hay parehas kato nga may 88 nomination bangud sa anang bag-ong album nga Cowboy Carter hay naeampasan eon raya ni Beyonce.
Makaron nga dag-on sigon hay may 11 raya nga nominations kaibahan ro best Album, best country album ag song of the year nga “Texas Hold’Em”.
Pila sa mga may maabong nominees nga tig-pito kada sambilog hay sanday Billie Eilish, Kendrick Lamar, Post Malone ag Charli XCX.
May tig-an-om nga nominations sanday Taylor Swift, Sabrina Carpenter ag Chappel Roan.
Kaibahan man ro legendary band nga The Beatles nga nominado sa record of the Year nga “Now And Then” nga sangka uwa natapos nga kanta it bokalistang si John Lennon nga ginhimuan it pamaagi gamit ro artificial intelligence ukon AI.
Igapatigayon ro ceremony it Grammy Awards sa Los Angeles sa Pebrero 2, 2025.
