KALIBO, Aklan — Nagtuga it kahadlok ag nagkaeain-eain nga espekulasyon sa mga residente sa banwa it New Washington ro gindagsa nga 10-foot oarfish sa andang baybayon nga indikasyon sigon it may paeaabuton nga linog.
Suno kay Bureau of Fisheries and Aquatic Resources (BFAR)-Aklan Aquaculturist II Rico Magno, raya ro kauna-unahang kahigayunan nga may napadpad nga oarfish sa nasambit nga lugar nga may bug-at nga ginatantiyang 25 kilos.
Ginasugid nga senyales it linog ro pagtuhaw it mga isdang kapareho it oarfish nga kaeabanan nga naga-istar sa kadadaeman it dagat.
Apang, insigidang ginduea it BFAR-Aklan ro pagkabaeaka it publiko bangud nga posibleng nadisturbo eamang sigon ro andang natural habitat sa dagat.
Dapat man sigon nga magpangamuyo eon lang agud nga mapaeayo sa mga kalamidad.
May mga teoriya nga ro mga isda nga una sa idaeum nga parte it eawod hay mas sensitibo sa paghueag it mga faults.
Ro oarfish hay buhi pa kat makita it sangka mangingisda samtang gina-anud it humbak ko nagtaliwan nga adlaw, apang namatay man ko ulihi rason nga gin-obra eon lang nga sumsuman it mga residente sa nasambit nga lugar.
