KALIBO, Aklan—Magapatigayon it Fisherfolk Children Educational Grant (FCEG) ro Bureau of Fisheries and Aquatic Resources (BFAR).
Raya hay agud mataw-an it kahigayunan ro unga it mga mangingisda sa Aklan nga makatapos it andang pagtuon.
Suno kay BFAR-Aklan technical and admin staff, Megan Bernadette Bonifacio nga pamaagi sa nasambitan nga programa, ro mga unga it mangingisda nga nakatapos it highschool ag nakasueod sa “top 10” it klase hay may kahigayunan nga makapadayun sa kolehiyo.
Samtang 26 ka slot ro gintaeana sa Western Visayas para sa scholarship program it (BFAR).
Bukas man ro scholarship para sa mga senior high school graduates ag graduating students nga gustong magtuon sa fisheries.
Ro four-year scholarship program ro may una nga tatlo ka program components.
Raya hay ro Fisherfolk Children Education Grant ukon para sa mga unga it mangingisda; Fishery Industry Leaders Grant (FILG) ukon mga honor students, ag ro FSP-Indigenous Cultural Communities/Indigenous Peoples (FSP-ICC/IPs) ukon miyembro it indigenous community.
Sa 26 nga scholars sa rehiyon, 20 ro FCEG, ag tag-tatlo ro FILG ag FSP-ICC/IPs.
Kaeakip sa mga benepisyo it scholarship ro P5,000 nga monthly allowance; P2,000 nga semestral book allowance; on-the-job training; ag thesis support.
Prayoridad man it ahensya ro mga scholars nga makasueod sa trabaho sa kung raya hay maka-graduate eun.
Samtang nagtaeana man it deadline sa pagpasa it application forms sa Oktubre 30 ag ro nationwide examination hay pagahiwaton sa Disyembre 5.
