KALIBO, Aklan–Nag-umpisa eon nga magbaton it aplikasyon ro opisina it Bureau of Fisheries and Aquatic Resources (BFAP)-Aklan para sa andang Fisheries Scholarship Program para sa School Year 2023.
Suno kay Megan Bernadeth Magno, Admin Technical Staff it BFAR-Aklan nga kwalipikadong maka-avail it scholarship ro mga unga it mangingisda, Indigenous Cultural Communities, ag Fisheries Industy Leaders.
Ro application form hay pwedeng mabuoe sa andang opisina ukon sa Municipal Agricultural Office it kada banwa.
Ro qualifying exam suno kana hay igapatigayun sa Nobyembre 12 sa Aklan State University (ASU) New Washington campus.
Ginklaro man kara nga ro nakasueod eamang sa top 20 nga mga unga it mangingisda ro maka-avail it scholarship samtang tig top 3 man sa mga unga it Indigenous Cultural Communities ag Fisheries Industy Leaders sa bilog nga rehiyon.
Ro scholarship hay eksklusibo para sa kursong BS Fisheries.
Ro nasambit nga scholarship program it BFAR hay ginakaeakipan it ibreng tuition fee ag iba pang school fees, kapin sa P5,000 nga monthly allowance, P2,000 nga book allowance kada semester, P7,000 nga thesis support ag graduation gift nga P1,500.
Pwede sigon nga mag-apply ro mga incoming Garde 12 student kung siin magabuhay it hasta Agosto 22, 2022 ro andang pagbaton it mga aplikasyon.
