KALIBO, Aklan—Uman nga ginpaandaman it Bureau of Fisheries and Aquatic Resources ukon (BFAR-Aklan) ro mga mangingisda nga indi magpangdakop it laplap ukon ginatawag man nga immature nga mga sardines.
Raya hay kasunod sa pagka-aresto sa pilang mga nagalibod it nasambit nga isda sa brgy. polo new Washington ko nagtaliwan nga adlaw.
Suno kay Mr. Arnel Cipriano, Fishing Regulation Officer I it BFAR-Aklan nga mag-eowas nga may naga eksister nga ordinansa ro banwa it New Washington angot sa close season nga ginatawag hay may una man raya nga national law.
Ginpahayag ni Cipriano nga kada close season bawae anay ro pagdakop it isdang tamban ag mackerel sa sueod it tatlong buean, umpisa buean it Nobyembre hasta Pebrero 2021.
Raya hay sandig sigon sa Fisheries Administrative Order 167-3 series of 2013, kun sa siin bawae anay ro pagdakop, pagbaligya ag pag-market it nasambit nga mga isda.
Tuyo kara nga makaangkon it kahigayunan ro mga isdang tamban ag mackerel nga makapa-abu.
Makaron sigon ro ginatawag nga spawning season it mga raya.
Ro mga mangingisda man sigon ro eubus nga makabenepisyo sa nasambit nga tikang agud nga mas pang mag-abu ro andang dakop sa masunod nga mga binuean.
Gindugang pa kara nga may nagakaigo nga penalidad ro sin-o man nga maga eabag sa nasambit nga laye.
