BFAR, may tanyag nga libreng training para sa produksyon ag pagpabaskog it industriya it bangus

Magapatigayun it libreng training ro Bureau of Fisheries and Aquatic Resources (BFAR) sa maabot nga Abril 25 hasta 29.

Para raya sa tanan nga fisheries technologists ag professionals sa produksyon ag pagpabaskog it industriya it bangus sa nasyon nga pagahiwaton via zoom.

Suno sa BFAR, tuyo it training nga pasanyugon pa ro kasayuran sa operasyon ag pagdumaea sa produksyon it mga magapasakop.

Para sa mga interesado, pwedeng magparehistro sa pamaagi it link nga makit-an sa post it BFAR-Central Office.

Magiging first-come, first served basis ro pagparehistro.