KALIBO, Aklan—Ipatuman ro fire prevention measures makaron nga holiday season.
Raya ro naging mensahe ni Bureau of Fire Protection (BFP)-Aklan Chief Operations SFO1 Felinor Suco kasunod it ginlunsar nga “Oplan Paalala” iwas paputok, sakuna at sunog.
Tuyo it kampanya nga masiguro ro kaeowasan it publiko sa tiempo it paskwa ag bag-ong dag-on.
Raya hay nakatutok sa fire prevention activities kapareho it kahauman it firetruck ag mga bumbero, pagpakalhit it fire safety tips kapareho it barangay ugnayan partikular ro pag-engganyo sa mga pumueuyu nga maggamit eamang it mga alternatibong pampasangag bangud nga bawae ro magpaeupok sa sueod ag guwa it baeay sandig sa laye, ginpabaskog nga inspeksyon sa mga baealigyaan it paeupok ag Christmas lights.
Gindugang pa ni Suco nga naka-heightened alert sanda umpisa Disyembre 5 hasta ko Disyembre 22 ag umpisa makaron nga Disyembre 23 hasta sa Enero it masunod nga dag-on hay naka-full alert status, kun sa siin, tanan sanda hay maga-report sa duty kamana man nga naka-alerto ro andang mga estasyon.
Kaeabanan suno kana nga nagakatabu ro sunog kada selebrasyon it bag-ong dag-on.
