KALIBO, Aklan—Naka-heightened alert ro Bureau of Fire Protection ukon BFP-Aklan sa maabot nga Oktubre 28 sa pag-umpisa it Barangay ag Sangguniang Kabataan Elections sa Oktubre 30.
Suno kay Fire Chief Inspector Rowel Limjuco, acting provincial fire marshall it BFP-Aklan nga may nakadeploy sanda nga mga personnel nga ginaeakipan it tatlong team sa guwa it mga polling precinct partikular ro andang team nga may kaangtanan sa First Aid Service Team ukon FAST.
Kaibahan ro Municipal Disaster Risk Reduction Management Office (MDRRMO), magatau sanda it first aid sa mga indibidwal nga nag-eain ro pamatyag ag nagakinahangean it atensyong medical.
Ginpahayag dugang nga ro andang heightened alert status hay magadere-deretso hasta sa All Saints’ Day ag All Souls’ day sa November 1 ag 2.
Sa pihak nga parte, daywang domingo antes ro eleksyon hay nagpatigayon sanda it fire safety inspection sa mga linya it kuryente sa mga presinto agud nga malikawan ro mga insidente it sunog.