KALIBO, Aklan—Nakalista ro Bureau of Fire and Protection ukon BFP-Aklan it kabilugan nga 23 ka mga kaso it insidente it sunog umpisa ko buean it Enero hasta sa presenteng buean.
Suno kay FO3 Mark Alvin Patricio, tagapaghambae it BFP-Aklan nga 11 sa mga nailistang sunog hay nagtuhaw ko buean it Enero samtang ko Pebrero hay may una nga 12.
Base sa datos nakaangkon sigon it pagtaas sa nailista nga mga kaso it sunog.
May kaangtanan kara, anang gina-enggayo ro publiko nga adlaw-adlaw nga mag-ensayo it fire safety agud nga malikawan ro mga insidente it sunog.
Sa pihak nga parte, ginpahayag man ni SPO1 Leo Jizmundo , Chief of operations it BFP-Aklan nga ro masami nga naging rason it mga nailistang sunog sa probinsya hay bangud sa electrical.
Bangud kara, dapat sigon nga maging madahan sa mga electrical load.
Perming i-check ro mga ginasaksak nga kagamitan ag ro ikasarang it ginagamit nga linya it kuryente ag circuit breaker.
