KALIBO, Aklan—Haom eon ro Bureau of Fire Protection ukon BFP Kalibo angot sa paaeabuton nga Fire Prevention Month sa Marso.
Apang, suno kay Fire Senior Inspector Macario Montana, fire marshall it BFP Kalibo nga adlaw-adlaw hay makabig nga fire prevention bangud nga uwa it ginapili nga adlaw ukon buean kon mag-eontad ro sunog.
Angot kara, may programa sanda nga igapatigayon agud nga maipaabot ro awareness sa publiko bilang pagdumdom eon man sa nasambit nga selebrasyon.
Ginpaathag ni FSInsp. Montana nga eubus nga makahaealit ro sunog rason nga ginapadumdom gid ro publiko nga magdahan sa paggamit it kaeayo.
Mag-eowas kara, kinahang-ean man nga maging responsable ro tanan sa paggamit it mga appliances nga inde magresulta sa pagka over heat bangud nga posibleng magtuhaw ro kaeayo nga mag resulta sa maeapnagon nga sunog.
Sa makaron nga tuman ro kainit nga naeksperyensyahan, likawan ro pagsuga it mga eaya nga dahon kapin eon kon ro dap-ong hay maeapit sa baeay ukon sa mga bagay nga madaling maduktan.
Uwa it magatuhaw nga sunog kon tanan hay maging dahan ag maging responsible sa tanan nga bagay.
